Кениската компанија „Мобиус Моторс“ планира да почне со масовно производството на „Мобиус II“, евтино теренското возило специјално дизајнирано за лошите африкански патишта.
Компанијата успеа да продаде 50-на примероци од својот прв модел Мобиус, кој беше претставен во 2014 година и сега планира да отпочне со освојување на пазарот со новата верзија на џипот.
Компанијата е во сопственост на британскиот бизнисмен Џоел Џексон, и нејзин фокус се евтини а издржливи џипови, прилагодени како за африканскиот терен, така и за куповната моќ на жителите на источна Африка.
Првиот „Мобиус“ се продава за 9.500 долари и за тие пари купувачите добиваат возило кое со неговите 133 коњски сили може да развие 120 километри на час и да носи товар од 625 килограми, но нема клима, па дури ни странични прозорци.
Кенија е дом на првиот автомобил дизајниран и произведен целосно во Африка – „Нјајо Пајонир“, кој беше изработен во 1986 година на иницијатива на претседателот Даниел арап Мои, но возилото се покажа како целосен неуспех.