Кошаркарите на Лос Анџелес Лејкерс со 111:98 ја победија Филаделфија на нејзин терен, а Коби Брајант одигра уште еден ефикасен натпревар и со 34 поени придонесе во триумфот на „езерџиите“. Своја вечер во „Велс Фарго Центар“ во Филаделфија имаше Мета Ворлд Пис со 19 поени и рекордни во кариерата за него 16 скокови.
Кај поразената екипа, Ник Јанг имаше рекордни сезонава 30 поени, но тоа не беше доволно за победа и Филаделфија првпат сезонава имаат три порази во серија.
На другите натпревари од НБА лигата одиграни синоќа беа постигнати следниве резултати: Торонто – Хјустон 103:96, Сакраменто – Денвер 97:122 и Портланд – Њу Орлеанс 95:94.
Вечерва се играат натпреварите: Орландо – Минесота, Њујорк – Хјустон, Детроти – Лос Анџелес Клиперс, Мемфис – Чикаго, Оклахома Сити – Сан Антонио и Феникс – Сакраменто.
Пласман Источна конференција: Њујорк 18-5 (победи-порази), Мајами 15-6, Атланта 14-7, Чикаго 13-9, Бруклин 13-10,…
Пласман Западна конфренција: Оклахома Сити 19-4, Сан Антонио 19-6, Лос Анџелес Клиперс 17-6, Мемфис 15-6, Голден Стејт 16-8, Минесота 12-9,…