Фудбалерите на Борусија Дортмунд обезбедија учество на првото светско клупско првенство со 32 клуба, кое следната година ќе се одржи во САД.
Како што објави ФИФА на официјалниот сајт, клубот од Дортмунд обезбеди пласман на СП на клубови по елиминацијата на Лајпциг од Реал во осминафиналето од Лигата на шампионите.
Борусија заедно со Баерн ќе биде вториот германски клуб на Светското првенство кое ќе се одржи од 15 јуни до 13 јули 2025 година во САД.
Пласман претходно обезбедија и Ал Хилал (Саудиска Арабија), Урава (Јапонија), Ал Ахли (Египет), Видад (Мароко), Монтереј и Леон (Мексико), Сиетл (САД), Палмеирас, Фламенго и Флуминенсе (Бразил), Окланд Сити (Нов Зеланд), Челзи и Манчестер Сити (Англија), Реал (Шпанија), Пари Сен Жермен (Франција), Интер (Италија), како и Порто и Бенфика (Португалија).
Congratulations to @BVB on qualifying for the FIFA Club World Cup 2025! 👏
As a result of @RBLeipzig’s @ChampionsLeague elimination, Dortmund are now assured of a spot via the ranking pathway and will join @FCBayern as Germany’s representatives at next year’s tournament. pic.twitter.com/vqD8KFfVAY
— FIFA (@FIFAcom) March 6, 2024
Останатите учесници ќе бидат два клуба од Азија, два клуба од Африка, еден клуб од САД, победникот на Лигата на шампионите во Северна и Централна Америка, победникот на Копа Либертадорес плус уште два клуба од Јужна Америка, по еден клуб од Шпанија и Италија, како и победникот во Лигата на шампионите.
Доколку клубот кој ќе ја освои Лигата на шампионите веќе обезбедил пласман на Мундијалот, неговото место ќе го пополни клубот кој не обезбеди пласман на Мундијалот и е најдобар на рангирањето на УЕФА во последните четири години.