BMW го најави новиот Х6 за 2014 година, а според последните податоци новиот модел ќе биде со поголеми димензии од сегашниот и со многу поагресивен дизајн.
Х6 ќе биде базиран на истата платформа како третата генерација на Х5 и ќе има доста динамичен и агресивен стил.
„Во новата генерација ќе понудиме поиндивидуален изглед, со многу спортски елементи, со кои нашиот модел во целост ќе се разликува од конкуренцијата“, стои во веста на Баварците.
Агрегатската понуда ќе биде збогатена, а меѓу нив очекуваме линиски шестцилиндерски бензински и дизел мотори, бензински V8, како и бензински-електричен хибриден систем.
Неофицијално премиерата на BMW X6 се планира да биде за време на автомобилскиот салон во Москва догодина.