БМВ најави хибридна верзија на новиот модел Х5, што ќе биде претставен на Саемот на автомобили во Франкфурт идниот месец.
Хибридниот погон на концептот се состои од четирицилиндерски ТвинПауер Турбо бензински мотор и електричен мотор, што испорачува 95 коњски сили, а добива сила од батерии поставени под багажниот простор.
БМВ нагласува дека батериите може да се полнат на стандардна домашна електрична инсталација или на јавни станици.
БМВ Х5 еДрајв може да користи само електричен погон и може да мине 30 километри, при максимална брзина од 120 километри на час. Потрошувачката на концептот изнесува 3,8 литри на 100 километри, додека емисијата на штетни гасови изнесува 90 грама на километар.
Хибридниот модел има неколку козметички подобрувања како што се носачите на покривот и аеродинамичните 21-инчни тркала. Возачите на располагање имаат три стила на возење, интелегентен хибрид, целосно електричен стил и стил на штедење.