Актуелниот модел, кој ќе биде заменет во 2018 година претрпе помали козметички промени, а најмногу промени се случија во кабината на автомобилот.
Втората генерација на БМВ Серија 1 имаше премиера во 2011 година, а овој модел претрпе голем редизајн во 2015 година.
Иако не се очекуваше дека германскиот производител ќе изврши промени на постоечката верзија пред лансирањето на следната генерација, која е планирана за 2018 година, во БМВ одлучија сепак уште еднаш да ја освежат актуелната Серија 1.
Овој пат, надворешноста на автомобилот остана практично иста, но на купувачите е понуден нов дизајн на алу фелните, како и две нови нијанси на сина и портокалова боја – Seaside Blue i Sunset Orange.
Освен тоа, на располагање се и три нови специјални пакети опрема – Edition Sport Line, Shadow, Edition M Sport Shadow и верзијата БМВ М 140i Edition Shadow, со црни детали на екстериерот: на рамката на маската на ладилникот, околу фаровите и со затементи задни светлосни групи.
Најмногу промени се случија во внатрешноста на кабината, каде се редизајнирани инструмент таблата и централната конзола, која доби завесичка преку држачот за чашите. Благо се рестилизирани и вентилациските отвори, а додадени се и нови украсни хромирани детали и елементи во црн финиш со висок сјај.
Визуелните промени во ентериерот ги заокружува новата понуда на навлаки за седиштата. Во БМВ велат дека го развиле iDrive системот, а нов е и корисничкиот интерфејс на 8,8 инчен екран со мултимедијален и навигациски уред,
На купувачите е на располагање и опциски WiFi hotspot, кој овозможува во текот на возењето на Интернет да се приклучат до 10 мобилни уреди.