„БМВ“ го продаде милионитиот електромобил

Од:

Германскиот производител на автомобили „БМВ“ денеска објави дека веќе има продадено еден милион електрични возила и оти планира да достигне вкупна продажба од два милиони примероци до 2025 година.

– Околу 70 отсто од продадените електрични возила досега, се хибридни. Компанијата верува дека хибридните модели ќе продолжат да играат важна улога, особено за купувачите за кои полнењето не е лесно достапно, изјави Питер Нота – член на одборот на фирмата.

Во обид да го намали испуштањето стакленички гасови, автопроизводителот долго време се залага за инвестирање во низа технологии и – не само во електромобили исклучиво со батерии. Компанијата се противи на целосна забрана на автомобилите со внатрешно согорување.

Намерата е до 2030 година најмалку 50 отсто од нивната светска продажба да бидат целосно електрични возила. Но, оттаму неколкупати нагласуваат дека недостатокот на инфраструктура за полнење е главна пречка за побрзо прифаќање на електричните возила.

– Продажбата на „БМВ“ во ноември беше малку под нивото од лани. Тоа, бидејќи недостигот на чипови продолжува да ја ограничува понудата, објави Нота.

Но, компанијата е уверена дека ќе успее да постигне раст на приходите во однос на минатата година.

Би можело да ве интересира

„Сони“ најави компанија за електромобили

Ана Ололовска

Нова „батерија на иднината“ за електромобили

Ана Ололовска

Џенерал моторс повлекува повеќе од 73.000 електрични возила од пазарот

Ана Ололовска

Норвешка е прва во светот според купени електрични автомобили

Ана Ололовска

По 2035 година, Јапонија останува без автомобили на бензин

Ана Ололовска

Фолксваген го презема европскиот пазар за електромобили

Ана Ололовска