Со редизајнираната Серија 2 БМВ подготви и бројно ограничена едиција M240i M Перформанс едишн, која во продажните салони ќе стигне во јули.
Како М2, купето на БМВ M240i M Performance Edition е опремен со атрактивни каросериски детали кои визуелно го одвојуваат од стандардните модели на Серијата 2. БМВ ќе произведе само 750 примероци и сите ќе бидат обоени со бела боја Алпине, а карбонските додатоци на каросеријата ги вклучуваат куќиштето на ретровизорот, облогите на праговите, спојлерот на капакот на багажникот, задниот дел на дифузерот на воздухот и облогите на издувните завршетоци. За оптималниот контраст дополнително придонесуваат црната маска на ладилникот, новодизајнираните 19-инчни алуминиумски бандажи и предниот насочувач на воздухот.
Автомобилот го движи 6-цилиндричен битурбо мотор кој развива 340 КС при 5.500 вртежи во минута и 500 Nm најголем вртежен момент, кој е на располагање од 1.520 до 4.500 обртаи во минута, а купувачите ќе можат да бираат рачен 6-степен или автоматски 8-степен менувач. Опцискиот погон преку двете осовини (xDrive) со кој автомобилот од 0 до 100 км стигнува за 4,4 секунди, ќе се нуди само во комбинација со автоматски менувач.
M240i M Performance Edition е прв во низата нови едиции на М Performance кој БМВ наскоро ќе го понуди и со неколку свои други модели.