Претседателот на Светската фудбалска асоцијација – ФИФА вети помош за репрезентацијата на Палестина.
Блатер е во втора посета на Западниот брег со цел подобрување на состојбите и условите во кои се наоѓа палестинскиот фудбал.
Првиот човек на ФИФА од претседателот на Палестинскиот фудбалски сојуз Џибрил Раџаб детално бил запознаен со проблемите на палестинските фудбалери.
– Репрезентативците на Палестина често пати не се во можност да ги одиграат своите натпревари поради ограничените патувања меѓу Западниот брег и Газа. Овие ограничувања буквално во ропство го држат палестинскиот спорт, му се пожалил на Блатер претседателот Раџаб.
Блатер ветил дека ќе направи се што е во негова моќ да се реши овој проблем во насока на развој на фудбалот во Палестина.