Иако беше најавено нивното присуство, клубовите од Словенија нема да настапуваат следната сезона во регионалната ракометна СЕХА лига.
– Раководството на СЕХА лигата во последен момент ги промени условите кои беа претходно договорени. Поради тоа не дојде до наше учество во ова натпреварување, изјави Горан Цвијиќ, генерален секретар на Ракометниот сојуз на Словенија.
Проблемот околу играњето на екипите на Горење и Целје во регионалната лига се јави околу висината на котизацијата. СЕХА побарала по 300 илјади евра поединечно од двата клуба за нивна партиципација во лигата следните две сезони.