Вообичаено понеделник е ден кога се објавува најновата тениска ранг листа, а на денешната нема промени меѓу водечките десет.
И натаму водечки тенисер во светот е Шпанецот Рафаел Надал, пред Новак Ѓоковиќ од Србија.
Иако Надал настапи во финалето на турнирот во Барселона каде беше поразен од Нишикори, а Ѓоковиќ минатата седмица паузираше поради повреда, сега разликата меѓу двајцата водечки тенисери изнесува само 1.860 поени.
По нив следуваат Швајцарците, Станислас Вавринка и Рожер Федерер, а нема промени ниту во редоследот од петтото до десеттото месо: Давид Ферер (Шпанија), Томаш Бердих (Чешка), Хуан Мартин Дел Потро (Аргентина), Енди Мареј (В. Британија), Милош Раониќ (Канада) и Џон Изнер (САД).