Екипи на Партизан и Црвена звезда забележаа победи во дуелите со загрепските тимови, Цедевита и Цибона, во натпреварите со кои беше комплетирано 25. претпоследно коло во регионалната кошаркарска АБА лига.
Во Загреб, составот на Црвена Звезда славеше победа против Цибона со 94:83, додека во Белград, кошаркарите на Партизан ја совладаа Цедевита со 82:61.
Познати се и полуфиналните двојки за плеј-офот. Лидерот на табелата Будуќност за противник во полуфиналето ќе ја има екипата на Мега Лекс, додека во второто полуфинале ќе играат евролигашите Црвена Звезда и Цедевита.
На другите натпреварите од ова коло беа постигнати овие резултати:
МЗТ Скопје Аеродром – Тајфун 77:70,
Металац – Олимпија 74:61,
Крка – Мега Лекс 74:57,
Игокеа – Задар 77:73 и
Сутјеска – Будуќност 92:91 (по продолжение).
Табела: Будуќност 22-3 (победи-порази), Црвена Звезда 19-6, Цедевита 18-7, Мега Лекс 16-9, Партизан 12-13, Цибона 11-14, Задар 11-14, МЗТ Скопје 10-15, Олимпија 10-15, Крка 10-15, Игокеа 10-15, Металац 10-15, Сутјеска 9-16 и Тајфун 7-18.