Фудбалерот на Реал Мадрид, Герет Бејл е уверен дека повеќе нема да игра за клубот под водство на сегашниот тренер Зинедин Зидан, пренесува „Тајмс“.
Во исто време, велшкиот напаѓач вели дека нема намера да бара друг тим, бидејќи ниту еден клуб нема да може да си ја дозволи платата што ја добива во Реал Мадрид.
Претходно, мадридскиот клуб го објави составот за натпревар во Лигата на шампионите против Манчестер сити, а Бејл не е вклучен во него, иако тој не беше повреден и тренираше со тимот.
Натпреварот Манчестер сити – Реал ќе се игра утре (7 август). На првиот натпревар Сити победи со 2:1.