Автомобил произведен во далечната 1961 година, од некогаш угледната британска марка „Триумф-Хералд“ се продава на аукција, со поминати само 33 километри.
Возилото пред 52 години било испорачано од производителот, до домот на купувачот со камион за што сопственикот на „Триумфот“ платил тогашни 15 фунти. Тоа заначи дека сите 33 километри што автомобилот ги поминал за повеке од половина век, ги направил неговиот сопственик.
Човекот чиј идентитет не се открива, починал минатата година, па неговите блиски кои го наследиле старо-новиот автомобил не знаеле што да прават со него, па му го продале на еден дилер за возила. Кога тој го прегледал возилото утврдил дека станува збор за добро сочуван „Триумф“ какви сега нема на пазарот, па решил автомобилот да го сочува за себе, како главен експонат во колекцијата на олдтајмери.
Сега меѓутоа тој решил да го понуди на аукција. Британски експерти за стари автомобили очекуваат возлото што практично не било возено половина век, да добие цена меѓу 12 и 15 илјади фунти.