Американската компанија „Џенерал моторс“ (ГМ) работи на прв автономен автомобил за масовно производство, кој нема да има волан и педали.
ГМ од федералната Влада во Вашингтон побарал дозвола со цел овие возила без возачи уште следната година да се најдат на патиштата.
Доколку добие „зелено светло“ од регулаторите, ГМ планира да тестира до 2.500 модифицирани „Шевролет Болтс“ на патиштата во најмалку седум држави.
Со лансирањето на вакви возила, ГМ сака да ослободи дополнителен простор за уште еден патник и да ја намали тежината на возилото.