„Ауди“ за саемот на автомобили во Франкфурт подготвува нов „Кватро Концепт“ со хибриден погонски систем што ќе биде во состојба да произведе 800 „коњи“.
За разлика од претходниот „Кватро Концепт“ што беше претставен во 2010 година и кој беше темелен на „Ауди РС5“, новата верзија е базирана на скратената платформа на моделот „РС7“.
За погон е употребен 4.0-литарски твин-турбо В8 мотор со над 600 кс, удвоен со електромотор од 170 кс (125 кЊ).
Како што наведуваат од „Ауди“, тоа на овој автомобил со погон на сите четири тркала ќе му овозможи да располага со комбинирана сила од речиси 800 кс и 1.000 Нм максимален обртен момент.
Од состојба на мирување до брзина од 100 километри на час „Кватро Концепт“ стигнува за 3,4 секунди, додека максималната брзина изнесува 300 километри на час.
Во согласност со перформансите автомобилот ќе има и специјално адаптивно спортско ослонување, диференцијал со ограничено пролизгување и керамички сопирачки.
Иако „Ауди“ соопшти дека е во прашање концептен автомобил, се шпекулира дека во 2016 година би можел да се најде во продажба сериски модел во ограничена серија, со почетна цена од околу 200.000 евра.