Германскиот производител на автомобили „Ауди“ објави „снежни“ фотографии од првиот модел „Ку“ со ознака РС, кој ќе се најде во продажба од оваа есен по цена од 54.600 евра.
Ку-3 РС е спортски кросовер со 2,5 литарски петцилиндарски мотор и турбополнач, кој испорачува 310 коњски сили. Автомобилот има кватро погон на сите четири тркала. Моторот својата моќ ја пренесува преку седумстепен С троник менувач.
Ауди Ку-3 РС забрзува од 0 до 100 километри на час за 5,5 секунди, а максималната брзина е електронски ограничена на 250 километри на час.
Автомобилот има агресивен изглед со нови браници, предна маска и прагови. РС поседува и карактеристичен спојлер на задниот дел и издув со елиптична форма.
Ауди РС е понизок од стандардниот модел за 25 милиметри и може да се избира меѓу 19 и 20 инчни тркала.