Британскиот производител на автомобили Астон Мартин го претстави концептот ЦЦ 100 за време на прославата на 100 години од своето постоење.
Концептот оддава почит на тркачкиот автомобил ДБР 1 од 1959 година, кој е победник на трката Ле Манш.
Станува збор за класичен спидстер двосед со модерен дизајн на Астон Мартин. Автомобилот има каросерија од карбонски влакна, а го придвижува 6,0 литарски В12 мотор поврзан со шестстепен автоматски мануелен менувач. Од нула до 100 километри на час забрзува за нешто повеќе од четири секунди, а максималната брзина е електронски ограничена на 290 километри.
Автомобилот е долг 4,5 метри и широк околу два метри, додека неговата тежина изнесува поамлку од 1.200 килограми. Концептот е развиен и создаден за помалку од шест месеци во седиштето на компанијата во Гауден, во Велика Британија.