Американската скијачка Михаела Шифрин победи на денешниот слалом одржан во австрискиот Линц.
Ова за неа беше петта победа сезонава или вкупно 36. во кариерата.
Таа по двете трки имаше вкупно време 1:43.87 минута. Второто место го освои Венди Холденер, додека трета заврши Фрида Хансдотер од Шведска.
Во генералниот пласман води Шифрин со 821 бод, пред Германката Викторија Ребенсбург со 430, а трета е Тина Вајратер од Лихтенштајн со 374.
Шифрин во пласманот за слалом е прва со 380 бодови.
Ова беше последната трка од Светскиот куп кај жените за оваа календарска година, а следната ќе се одржи на 3 јануари на Сљеме кај Загреб.