Соединетите Американски Држави ветиле поддршка за јорданскиот принц Али Бин Ал Хусеин во трката за претседател на Светската фудбалска федерација (ФИФА), соопшти Ал Хусеин.
Јорданскиот принц до потребните пет гласа за поднесувањето на кандидатурата покрај САД дошол со поддршката од неговата федерација, Јордан, потоа Белорусија, Англија и Грузија.
Во трка за претседател на ФИФА освен Ал Хусеин се и актуелниот претседател Сеп Блатер, поранешниот португалски репрезентативец Луис Фиго и претседателот на Фудбалската федерација на Холандија, Михаел Ван Праг.
Изборот на прв човек на ФИФА ќе се одржи на 29 мај во Цирих.