Фудбалерите на Ливерпул го совладаа Манчестер Сити со 2:0 во натпреварот од 13. коло на англиската Премиер лига.
Избраниците на Арне Слот покажаа заби уште од самиот старт на натпреварот, за да ја крунисаат иницијативата со гол во 12. минута кога Мохамед Салах брилијантно го пронајде Коди Гакпо за 1:0.
Ливерпул продолжи да го напаѓа противникот од Манчестер во вториот дел, а потоа беше досуден пенал кога голманот Едерсон го фаулираше Луис Дијаз.
Во 78. минута Мохамед Салах ја намести топката на белата точка, а потоа рутински погоди за водство на Ливерпул од 2:0.
GET IN THEREEE!!!!! 🤩🔴 #LIVMCI pic.twitter.com/NEhKA1wIhb
— Liverpool FC (@LFC) December 1, 2024
До крајот на натпреварот Сити не успеа да создаде сериозна шанса, па резултатот остана 2:0 за домашните
„Црвените“ на тој начин ја забележаа 15-та победа во последните 16 натпревари во сите натпреварувања и сега се осамени на врвот на табелата со 34 освоени бодови, а имаат девет повеќе од второпласираниот Арсенал, а +11 пред „граѓаните“.
Од друга страна, Манчестер Сити го претрпе шестиот пораз во последните седум натпревари, додека на табелата во Премиер лигата е на петтото место со 23 бода.