Агенцијата за млади и спорт во пресрет на утрешното Изборно собрание на Фудбалската федерација на Македонија, го повтори ставот дека собранието е незаконско и дека нема да ги признание одлуките што ќе бидат донесени.
Најавувајќи дека нема да има свој претставник на Изборното собрание закажано за в недела, АМС нагласи дека ФФМ подолг период ги игнорира одлуките на надлежните институции и продолжува со непочитувањето на Законот за спорт и покрај инистирањето на АМС, како единствено владино тело надлежно за работите од областа на спортот и вршење надзор над спроведувањето на одредбите од Законот за спорт.
-Имајќи предвид дека мандатите на делегатите, комисијата за избори, претседателот и членовите на УО на ФФМ, истекуваат на 17 февруари 2021 година, АМС известува дека нема да биде признаен незаконски избор на делегати од Општинските фудбалски сојузи (ОФС), како и избор на тела во ФФМ. соопшти АМС.
Во соопштението се додава дека АМС „има поддршка од поголемиот број на клубовите од прва и втора лига“, за усогласување на Статутот на ФФМ согласно Законот за спорт.