Регионалната кошаркарска АБА лига, натпреварување во кое настапува и македонскиот првак МЗТ Скопје Аеродром има ново раководство.
На 2. Собрание на АБА лигата вчеравечер во Загреб за директор е избран Крешимир Новосел, кој доаѓа на местото на досегашниот прв оперативец Радован Лорбек.
На местото на спортскиот директор Јосиф Билиќ, кој ќе стане советник на директорот, доаѓа Жарко Чабаркапа.
Собранието даде целосна поддршка на новото раководство. Собранието донесе ново лого на лигата, организациска шема и систематизација, а во целост е преземен и комерцијалниот дел на натпреварувањето.
– Очекуваме новото раководство да ја организира лигата на професионален начин и дека АБА ќе биде на ниво на најдобрите организираните лиги во Европа. Задоволни сме што натпреварувањето сега е водено од поранешни играчи и луѓе кои се докажале како врвни спортски работници, изјави Драган Бокан, претседател на АБА лигата.