Крајнодесничарската грчка партија „Златна зора“ продолжува да одржува семинари за мали деца и покрај острите реакции, кои ги предизвика иницијативата, пишува денеска весникот „Етнос“.
На официјалниот сајт на партијата е објавена информација за вториот одржан семинар на тема за хероите од грчката војна за независнот во 1821 година.
– Децата го научија значењето на знамињата на револуцијата и споредбата со боите на знамето на „Златна зора“, се наведува во соопштението.
Во февруари крајнодесничарската партија го одржа првиот семинар, на кој присуствуваа над 20 шестгодишни деца. Според соопштението на партијата, лекциите се за „национално сознание“ и „грчкиот дух“.