Земјотрес со јачина од 4,9 степени по Рихтер го погоди округот Синдирги во западната турска покраина Баликешир, објави Анадолу.
Според Управата за управување со катастрофи и вонредни состојби (AFAD), епицентарот на земјотресот бил во Синдирги, а регистрираната магнитуда била 4,9.
Земјотресот бил почувствуван во Баликешир, соседните покраини, како и во Измир, а бил регистриран на длабочина од 7,72 километри.
Засега нема информации за евентуални жртви или материјална штета.
