Во последните три, четири недели регистрираме се повеќе заразени од коронавирусот во Нови Сад, изјави покраинскиот секретар за здравство Зоран Гојковиќ.
Тој рече дека сите здравствени установи во Нови Сад се полни и ги предупреди граѓаните да се придржуваат до мерките „за да не дојдеме во ситуација во која што се наоѓаме во моментов“.
„Се уште не гледаме тенденција на пад на бројот на новозаболени. Здравствените установи во Нови Сад се полни, Клиничкиот центар во Војводина работи во четири ковид згради и пет интензивни единици. Од вчера почна да работи и Воената болница во Петроварадин и да прима пациенти“, изјави Гојковиќ.
Тој додаде дека речиси сите капацитети на Клиничкиот центар во Војводина се ставени на располагање и дека тоа прави голем притисок врз здравствениот систем, врз работата, здравствените работници и сето она што е врзано со функционирањето на здравството.