Затворањето на ЕРТ ќе чини грчката држава најмалку 300 милиони евра, соопштија вработените во јавниот радиодифузер.
Сметајќи го надоместокот и трошоците за откажување на договори и други услуги, персоналот тврди дека загубите ќе се искачат на половина милијарда евра, без да дадат подетални објаснувања.
– Надоместокот за 2.650 вработени, откажувањето на договорите за продукција на програми, трошоците за сите видови надоместоци. Сите се префрлени на државна сметка и во буџетот кој има голем дефицит, соопшти претставник на вработените во ЕРТ.
Персоналот исто така соопшти дека ќе продолжи да работи нон стоп, иако сигналот на радиодифузерот не е повторно воспоставен и покрај одлуката на Државниот совет дека тој не треба да се затвори за време на реструктуирањето, но се пренесува во живо на неколку интернет страници.