Утрово започна отстранувањето на барикадите на северот на Косово и сообраќајот е повторно воспоставен.
Барикадата на Мердаре од правец на централна Србија е отстранета.
Претседателот Александар Вучиќ по разговорите со Србите од Косово најави дека отстранувањето на барикадите ќе започне во четврток наутро, нагласувајќи дека тоа може да потрае и до 48 часа.
Претседателката на Косово, Вјоса Османи, рече дека очекува брзо отстранување на барикадите, бидејќи во спротивно, како што истакна, ќе почнат самите да ги отстрануваат. Во меѓувреме изгореа кабините на двата камиона на барикадата во Косовска Митровица.