Министерката за здравство на Србија, проф. д-р Даница Грујичиќ денеска изјави дека сите повредени во двата масакри во Србија покажуваат знаци на закрепнување.
Како што рече, само едно лице е на интензивна нега, а момчето повредено во училиштето во Врачар е пренесено во Институтот за мајки и деца „Д-р Вукан Чупиќ“.
„Што се однесува до повредените во пукањето во училиштето, наставничката и девојчето кои се наоѓаат во Клиничкиот центар се стабилни, а за момчето на кое му е повреден рбетниот мозок е префрлено во Институтот за мајка и дете, да се одвикне од респиратор. Направена е трахеотомија за полесно да дише, свесен е, комуникативен, зборува, ја движи левата рака, има значително оштетување и на ‘рбетниот мозок и на периферните нерви на десната рака, но сеуште е рано да зборуваме за било што бидејќи поминаа само две недели. Не знаеме какви ќе бидат конечните последици, тој има свое дишење“, рече министерката.