Српскиот претседател Александар Вучиќ денес изјави дека по неговата посета на Кина, за која изрази верување дека ќе биде од историско значење за Србија, конечно ќе се договори сè во врска со изградбата на фабрика каде што ќе се произведуваат роботи и истакна дека првите роботи може да се очекува да бидат пуштени во продажба веќе во јуни.
„Со оглед на можните различни употреби на овие роботи, од помагање при носење пијалоци, готвење, чистење и сè друго што е потребно за секојдневниот живот, тие можат да имаат и воена употреба, што е исклучително важно, па затоа е од исклучително значење за нашата земја“, изјави Вучиќ за ТВ Пинк.
Коментирајќи ја денешната посета на Државниот центар за податоци во Крагуевац, каде што беа ставени во функција нови модули, нов суперкомпјутер и соларни панели, тој рече дека само Полјаците во источна, централна и југоисточна Европа имаат таква државна технологија.