Александар Вучиќ утринава ѝ ја предаде должноста претседател на Република Србија на претседателката на Собранието на Србија, Ана Брнабиќ, упатувајќи ја на документите што ѝ ги врачи.
Потоа ѝ подари букет цвеќе, велејќи дека „денес е и роденден на Ана“ и ѝ честиташе: – Среќен роденден и среќно преземање на должноста!
Веднаш потоа рече: „Си заминувам!“
– Чест ми е што ја преземам оваа должност од таков човек и што ќе можам да ја чувам оваа позиција сè додека не се избере следниот претседател – рече Брнабиќ, додавајќи дека ќе ја чува „оваа позиција со сето свое битие сè додека не се избере нов претседател на Република Србија“.
Брнабиќ исто така рече дека Србија нема да има претседател кој толку силно се борел и толку многу се жртвувал.
– И тој навистина остави сè друго настрана заради Србија. Чест ми е што ја преземам оваа должност од таков човек и што ќе можам да ја задржам оваа позиција сè додека народот не избере кој ќе биде следниот претседател на Република Србија.
– Што се однесува до Александар Вучиќ, знам дека од денес тој започнува одлучувачка нова борба за заштита и зачувување на Србија и му посакувам многу среќа во тоа. А јас ќе го чувам ова место со сето свое битие, како што реков, сè додека народот не го избере следниот претседател на Република Србија.
– Ви благодарам. И малку иронично: цел свој професионален живот се борев против печатот и за негово укинување, а сега го добив најважниот печат во Србија. Ви благодарам, да живее Србија – заклучи Брнабиќ на крајот од примопредавањето.