Министерот за одбрана на Србија, Александар Вучиќ денес во разговорот со командантот на Европската вооружена сила на САД, Џејмс Ставридис истакна дека е неопходно да се заштитат српските жители на Косово.
Вучиќ изрази благодарност поради ангажирањето на силите на Кфор, во заштита на Пеќката патријаршија и манастирот Дечани, наведе министерството за одбрана на Србија.
На состанокот размениле мислења за актуелната ситуација во регионот, на просторот на јужната српска покраина Косово и Метохија, обемот и начините на ангажирање на Кфор во наредниот период и соработката на Србија со НАТО и САД, се наведува во соопштението.
Вучиќ и Ставридис разговараа за понатамошна соработка во оквир на НАТО програмот, Партнерство за мир и учеството на припадниците на војската на Србија во мировните операции, под знамето на ЕУ и ОН.
Министерот за одбрана на Србија и американскиот генерал се сретнаа во рамките на последната посета на Ставридис на државите во регионот, пред неговото заминување во пензија.