Вучиќ: Наскоро на опозицијата ќе и биде „отсвирен“ крај

Од:

Српскиот претседател Александар Вучиќ денеска изјави дека како што стојат работите следната сабота, за кога е најавен голем протест во Белград, опозицијата ќе се обиде да направи нешто со насилство и порача дека тогаш, како што рече, ќе им биде „отсвирен“ крај.

„Знаат дека немаат повеќе време, па ќе мора да фрлат сè на една карта. За жал, ќе се обидат да направат нешто со насилство и тогаш ќе сфатат дека тоа е крајот за нив. Многумина што ќе извршат злосторства ќе завршат зад решетки, а другите ќе сфатат дека ги излажале овие политичари кои им ветиле дека нешто може да се направи со насилство, и така ќе заврши играта. Тоа е тоа. Така да, како што стојат работите во сабота навечер ќе им биде „отсвирен“ крај.

Тој нагласи дека преживеал многу, но не и дека некој, како што се случи синоќа во Белград, ќе ги нападне децата само затоа што сакаат да учат.

На новинарско прашање за поканата на опозицијата до сите да дојдат на големиот протест и прашањето како да се спречи насилството, Вучиќ одговори дека не мора ни да поканат никого бидејќи, како што рече, сите доаѓаат.

„Сите потекнуваат од овие бизнисмени, тајкуни, овие мултимилионери, секакви. И како го спречувате насилството? Не можете да спречите насилство кога некој сака насилство. Ако некој сака да ве удри, не можете да го спречите. Можете да го казните лицето што го сторило тоа. Можете да ги уапсите и да ги казните, и да ги спречите да вршат понатамошно насилство. И луѓето кои се решени да ги спречат“, рече Вучиќ.

Би можело да ве интересира

Вучиќ му се заблагодари на Путин за почитувањето и поддршката за територијалниот интегритет на Србија

Вучиќ оди за Кина, ќе има средба и со Путин-тема Република Српска

Вучиќ: Сѐ уште важи мојата понуда за дијалог со блокадерите

Вучиќ: На блокадерите не им се допаѓаат податоците за бројот на луѓе на митинзите против блокадата

Вучиќ со граѓани на Уб: Нема ништо поважно од дијалогот

Сијарто ги обвини Брисел и американската левица дека сакаат да го соборат Вучиќ