Претседателот на Република Србија, Александар Вучиќ, утре ќе се сретне со најдобриот тенисер во светот Новак Ѓоковиќ.
Средбата ќе се одржи во зградата на Генералниот секретаријат на Претседателот на Републиката на Андриќевиот венец.
Потврдата дојде од кабинетот на претседателот на Србија, а медиумите ќе можат да ги снимаат воведните говори на Вучиќ и Ѓоковиќ.
Ѓоковиќ не настапи на Австралија опен, откако по речиси две недели административна борба, со одлука на австралиската Влада беше депортиран од Мелбурн.
По тој повод имаше неколку разговори со Вучиќ, кој се обидуваше да му помогне на најдобриот тенисер на светот во борбата за своите права, а не штедеше критики на сметка на австралиската влада и политичари.