Српскиот претседател Александар Вучиќ ја напушти зградата на Претседателството денеска по 16 часот од предната страна на зградата, додека се уште имаше демонстранти.
-Претседателот ја напушти зградата со службено возило.
Во исто време пред зградата кога заминуваше и пред да влезе во возилото се довикуваше со демонстрантите.
-Нема да ви помине, нема ништо од тоа, им кажа тој, а дел од демонстрантите довикуваа „лажеш“.
Vucic izasao iz zgrade predsednistva @AJBalkans #Beograd #vucic #protest pic.twitter.com/VZtvkRceKk
— Marko Subotic (@SuboticAJB) March 17, 2019
Голем број од демонстрантите се упатија пред полициска станица во Белград каде бараат ослободување на приведени поради синоќешниот упад во зградата на РТС.
Лидери на Сојузот за Србија соопштија дека тие прифаќаат одговорност. Дел од белградски медиуми јавија дека министерот за внатрешни работи Небојша Стефановиќ се наоѓа во дворот на полициската станица каде се и демонстрантите.
Лидерот на Сојузот за Србија, Драган Ѓилас напиша на Твитер дека се упатил кон полициската станица 29 Ноември за да го уапсат заедно со Обрадовиќ, Лутовац и Зеленовиќ.
– Сите ние кои синоќа бевме во РТС преземаме одговорност што баравме од РТС да почне со вистина да информира, наведе Ѓилас.
фото: Танјуг