Српскиот претседател Александар Вучиќ уште еднаш, во име на граѓаните на Србија, изрази сочувство до семејствата на бошњачките жртви во Сребреница и изрази верување дека сличен злостор никогаш повеќе нема да се случи.
Во објава на мрежата X, по повод 30-годишнината од злосторството во Сребреница, Вучиќ нагласи дека не можеме да го промениме минатото, но мора да ја промениме иднината.
„Денес се одбележува 30-годишнината од ужасниот злостор во Сребреница. Не можеме да го промениме минатото, но мора да ја промениме иднината. Уште еднаш, во име на граѓаните на Србија, изразувам сочувство до семејствата на бошњачките жртви, убеден дека сличен злостор никогаш повеќе нема да се случи“, рече претседателот Вучиќ.