Претседателот на Србија, Александар Вучиќ, го почнува формирањето Народно движење за државата и во наредниот период ќе ги посети сите делови на земјата, поврдуваат од Претседателството за Танјуг.
Како што беше речено, Вучиќ ќе побара поддршка од народот за одбрана на Србија и од сабота на 11 март ќе започне разговори со населението на југот на Србија, најверојатно во Врање, пренесува Танјуг.
Како што претходно пишуваше Нова.рс, во српските политички кругови веќе извесно време се шпекулира дека Александар Вучиќ не само што ќе го напушти челото на Српската напредна странка, туку и ќе формира нова политичка партија или движење.
Иако ваквиот развој на настаните изгледаше неверојатен, Вучиќ претходно на прес-конференцијата практично најави формирање на нов политички блок на „пристојна и нормална Србија“, кој ќе биде и граѓански и национален.