Српскиот претседател Александар Вучиќ од собирот во Нови Сад порача меѓународната заедница да не врши притисок на Србија и дека нема да попушти од ставот дека за продолжување на дијалогот со Приштина прво треба да се укинат таксите.
-Не ја канете Србија, укинете ги таксите и сами ќе дојдеме, порача Вучиќ на собирот во Нови Сад на кој имаше неколку десетина илјади граѓани.
-Пораката и мојот одговор за меѓународната заедница која со денови врши притисок и ќе продолжи следните денови е дека нема да се откажам и да попуштам, нема продолжување на разговорите се додека не се укинат таксите. Никаков притисок нема да ви помине, рече Вучиќ.