Стефанос Кемос (30), кој се удави во Катисма, требаше да се ожени за 20 дена. Тој отишол на Лефкада да прослави, но се удави во морето. Грчката телевизиска станица АНТ1 емитуваше трогателно видео од последните моменти на Стефанос Кемос, по потекло од градот Трикала, кој се удави на Лефкада, каде што престојуваше со пријатели. На видеото се гледа како младиот човек се бори со брановите, додека собраните луѓе се обидуваат да го охрабрат да истрае. На плажата немаше спасувачи.
Според изјавите на сведоците, еден човек се обидел да му се приближи на растојание од еден метар, но одеднаш бил однесен од голем бран.
– Во тој момент тој сè уште беше жив и се обидуваше да отплива колку што можеше подалеку. Му викавме да остане смирен – рече очевидец.
