На социјалните мрежи се шири досега необјавена снимка од престрелката во Бањска на која може да се види повлекувањето на вооружените напаѓачи кон блиската шума.
Како што може да се види на видеото кое стана вирално на социјалните мрежи, четворицата напаѓачи се кријат зад помал објект во манастирскиот имот.
Во еден момент го напуштаат засолништото и се обидуваат да стигнат до шумата, но потоа еден куршум го погодува еден од нив и тој паѓа на земја во близина на шумата.
Junaci Milana Radoičića ostavili saborca.
Njih pohapsiti i razmeniti ih za ovog mučenika. pic.twitter.com/tIR0syEcNZ— Dragan Vidaković Mrki P.S.Gerila (@protivdictature) September 30, 2023
Пред точно седум дена во селото Бањска во Косово имаше напад врз косовската полиција од група вооружени Срби.
Во нападот загина еден косовски полицаец, како и најмалку тројца напаѓачи. Повеќе од нив се повредени. Одговорноста за нападот ја презеде Милан Радоичиќ, поранешниот потпретседател на Српската листа од Косово. По бегството во Србија, тој вчера се предаде и беше сослушан во Министерството за внатрешни работи на Србија.