Вооружени полицајци во цивил ќе патуваат во турските авиони со цел да ја засилат нивната безбедност, согласно промените во наредбата на турската цивилна авијација, направени од Министерството за транспорт, морепловство и информации, соопштува турскиот сајт Ворлд булетин.
Полициските припадници ќе имаат право да ги запираат од натамошно патување патниците кои, според нив, се сомнителни.
Полицајците ќе патуваат во авионите, регистрирани во Турција, и во вонредни околности ќе можат да користат и оружје.
Полициските припадници, кои ќе патуваат во авионите, ќе бидат избирани од Главната дирекција за цивилна авијација, Министерството за надворешни работи, Националната полициска служба и Националната разузнавачка организација (МИТ).