Три лица се примени во Универзитетскиот клинички центар во Војводина по уривањето на натстрешницата на железничката станица во Нови Сад, сите три се во животна опасност, а двајца во моментов се во операциона сала, изјави директорката на оваа установа Весна Туркулов.
Таа изјавила дека првиот човек бил примен околу 14 часот, и веднаш бил однесен во операциона сала.
– Примени се две жени, првата е реанимирана и по стабилизирање е однесена на дијагностика, а се работи за многу тешки повреди опасни по живот – рече Туркулов.
Уште едно женско лице било интубирано и пристигнало во Ургентниот центар на Централната болница во Војводина, а исто така е во операциона сала.
Туркулов рече дека сите биле мобилни во рок од 10 минути и дека на местото на несреќата излегла комплетна екипа со анестезиолози и сета опрема, за евентуални ампутации, но за среќа немало потреба.
– Кај нас три лица се во многу тешка состојба, двајца се во операциона сала и се справуваат со многу тешки повреди опасни по живот – заклучи Туркулов.