Во Пантовчак повторно се активираше свлечиште, а Кабинетот на претседателот на Хрватска Зоран Милановиќ за се ги извести надлежните градски служби. Наскоро се очекува да почнат работите на санација на свлечиштето, информираат од кабинетот.
– Градот Загреб во соработка со Кабинетот на претседателот на Република Хрватска изработи проектна документација за итна санација на потпорниот ѕид, односно свлечиштето на самиот влез во Претседателската палата. Итните работи ќе започнат во понеделник, 11.3.2024 година – соопштија оттаму.
– За санација на свлечиштето во внатрешноста на оградата се вршат истражни работи со цел дефинирање на големината на интервенцијата и изработка на проект за вонредна санација на новосоздаденото свлечиште – велат од Градот.
Воедно додаваат дека на пукнатината во меѓувреме ќе биде поставен заштитен најлон за да се спречи натамошно продирање на водата од површината.