Бугарскиот државјанин В.А.В.(46) е сослушан во Вишото јавно обвинителство во Смедерево поради постоење основи на сомнение дека стори кривично дело неовластено производство и дистрибуција на наркотични дроги.
Осомничениот се товари за неовластено поседување и пренесување на голема количина наркотична дрога – кокаин со вкупна нето тежина од 1.002 грама и хероин со вкупна нето тежина од 2.241 грама, која му е пронајдена и конфискувана на 9 јануари 2026 година, кога е лишен од слобода, со цел понатамошна продажба, соопшти српското обвинителство.
По сослушувањето на осомничениот, кој го искористи правото да не презентира одбрана, обвинителството предложило да му биде одредена мерка притвор до 30 дена поради околности што укажуваат на ризик од бегство, како и нарушување на јавниот ред и мир што може да го загрози непреченото и правично водење на кривичната постапка.