Словенечката полиција уапси 141 лице во повеќе градови по синоќешните демонстрации поради економските мерки и против корупцијата.
Заменик-градоначалникот на Марибор, Милан Микал предупреди дека е возможна анархија по нередите и во другите пет градови на Словенија, вклучително и Љубљана. Но, само протестите во Марибор прераснаа во насилство.
Во Марибор се уапсени 119 луѓе, а во другите градови поради нарушување на законот и јавниот ред уапсени се 22 луѓе. Во нередите во Марибор повредени се 22 полицајци.
Демонстрантите во Марибор бараат оставка на градоначалникот Франц Канглер, кој е обвинет за корупција, но одбива да поднесе оставка. Учесниците во протестот фрлаа петарди и камења врз полицијата.