На градилиште на мост во Нови Сад денеска загина кинески работник. Несреќата се случила околу 9.20 часот. Српски државјанин кој работел за кинеската фирма за несреќата ја алармирал новосадската полиција.
Тој ја известил полицијата дека Ј.П.П.(20) се лизнал и паднал во оградена шахта полна со вода, каде требало да се подигне столб од мост и дека не испливал.
Непосредно пред тој повик, полицијата добила повик и од градилиште од работник од Кина кој бил сведок на несреќата.
На терен веднаш се испратени полициски патроли и пожарникари. Припадниците на нуркачкиот тим на жандармеријата го извлекле телото на несреќниот млад човек.