Во новата српска влада ќе има десет жени, Вулин и Стефановиќ си ги менуваат местата

Од:

Мандатарката за состав на српската влада и членка на Претседателството на Српската напредна странка, Ана Брнабиќ, го соопшти составот на кабинетот, кој ќе има три министерски ресори повеќе од претходниот, кој исто така го предводеше таа.

Министерските места во ресорите Одбрана и Внатрешни работи ќе ги сменат Александар Вулин, кој сега ќе биде прв човек на српската полиција, и Небојша Стефановиќ, кој отсега ќе раководи со одбраната на земјата.

Никола Селаковиќ е предложен за нов министер за надворешни работи.

На чело на новото Министерство за човекови права, рамноправност на половите и општествен дијалог ќе застане Гордана Чомиќ, нов министер за Грижа за семејството и демокграфија ќе биде Ратко Дмитровиќ, додека министер за Село ќе биде Милан Кркобабиќ.

Министерството за култура и информирање ќе го води Маја Гојковиќ, додека Министерството за труд, вработување, боречки и социјални прашања ќе биде предводено од Дарија Кисиќ Тепавчевиќ.

За министерка за Трговија, туризам и телекомуникации е предложена Татјана Матиќ, во ресорот Градежништво и инфраструктура Томислав Момировиќ, Министерството за финансии ќе го предводи Синиша Мали, додека на чело на Министерството за економија ќе биде Анѓелка Атанасковиќ.

Бранислав Недимовиќ е предложен за министер за Земјоделие, додека ресорото Енергетика и рударство ќе го предводи Зорана Михалјовиќ.

Српска министерка за правда ќе биде Маја Поповиќ, за локална самоуправа Марија Обрадовиќ, за европски интеграции Јaдранка Јоксимовиќ, Златибор Лончар ќе остане на чело на српското Здравство, а Вања Удовичиќ министер за Млади и спорт.

Ресорот Образование ќе ѝ припадне на Социјалистичката партија, коалицискиот партнер на владејачката Српска напредна странка на претседателот Александар Вучиќ.

Би можело да ве интересира

Дедо, син и внук, но и нивен пријател починаа во септичка јама во Србија

Горан Наумовски

Трагедија во Србија: Неколку лица починаа додека чистеле септичка јама

Горан Наумовски

Брнабиќ за нападот во Нови Сад: Го осудувам она што јас лично го нарекувам фашистичко дивеење

А1он

Силно невреме проследено со дожд и град зафати голем дел од Србија

А1он

Брнабиќ: Никој од опозициските медиуми не го забележа садизмот што го гледавме сите овие месеци

Брнабиќ: Очекувам полека да се враќа наставата на факултетите