Во швајцарското одморалиште Кран Монтана денеска продолжуваат решавачките преговори за повторно обединување на островот Кипар, што се водат неколку дена, соопшти грчкото издание Њуз.ин.
Делегациите на двете заедници на островот се очекува да ги достават своите предлози за двата клучните аспекти на проблемот – за безбедноста и гаранциите поврзани со идната федерална држава.
Целта на преговорите е изработка на конечната спогодба, што ќе биде склучена на конференција во Њујорк во септември.
Во случај на посуштински напредок на преговорите во Кран Монтана не е исклучено таму да пристигнат и премиерите на трите земји гаранти на Кипар – Грција, Турција и Велика Британија.
Портпаролот на ОН вчера соопшти дека во Кран Монтана бил постигнат напредок за прашањето за повторно обединување и дека тоа се случило по серијата средби на генералниот секретар на ОН, Антонио Гутереш, со кипарскиот претседател Никос Анастасиадис и со лидерот на кипарските Турци, Мустафа Аканџа, а, исто така, и со претставниците на ЕУ.