Повеќе од 800 педофили се на слобода во Грција објави весникот „Прото тема“, повикувајќи се на полициски извештај.
Весникот пишува дека и покрај апсењата и подигнатите обвиненија мажите слободно се движат користејќи ги дупиките во законот.
Според официјалните полициски податоци од 2003 година до денес во околу 7.500 случаи обвинети се 823 лица, од кои 274 се уапсени, а за другите 558 се води судски процес. Само 42 од мажите се задржани во притвор, а уште помал е бројот на тие што отслужуваат затворска казна.
Во исто време, истражувањата покажуваат дека едно од десет деца во Грција е жртва на сексуално малтретирање. Секој ден во полиција има по една пријава за таков случај.
Истражувањата покажуваат дека 60 проценти од педофилите напаѓаат момчиња на возраст од седум до 16 години а 40 отсто – девојчиња на возраст од осум до 15 години.