Бојан Олас од српскиот град Панчево вчера на Дунав улови сом тежок 84,5 килограми и долг 2,20 метри!
Бојан има 40 години и е страстен риболовец кој го сака Дунав уште од детството, а ова е најголемиот улов во неговата досегашна риболовна кариера – пишува на Фејсбук страната „Здраво Панчево“..
– Сомот го уловив со техниката „бучка“, а како мамка користев дурбак (посебен вид црви кои достигнуваат должина и до 20 сантиметри) и дождовна глиста. Борбата траеше околу 40 минути – изјави Бојан.
Откако беше фотографиран, овој капитален примерок од сом беше вратен во Дунав.